Квалификациялык талаптар

Кесиптик билимдин деңгээли:

Багыты боюнча жогорку билими: юриспруденция.

Иш тажрыйбасы жана эмгек стажы:

— жерге жайгаштыруу жана жер кадастры, кыймылсыз мүлккө укуктарды каттоо тутумунда 1 жылдан кем эмес иш тажрыйбасы; же тиешелүү кесиптик чөйрөдө 2 жылдан кем эмес иш тажрыйбасы; же мамлекеттик/муниципалдык кызматта 1 жылдан кем эмес иш тажрыйбасы.

Кошумча талаптар:

— мамлекеттик жана расмий тилдерди билүү;

— компьютердик сабаттуулукка ээ болуу (Word, Excel, СЭД жана башка программалар);

— юридикалык жана кызматтык документтер менен иштөө жөндөмүнө ээ болуу;

— ченемдик укуктук актылар менен иштөө жана аларды практикалык иште колдонуу жөндөмү;

— кызматтык милдеттерди аткарууда зарыл болгон ченемдик укуктук актыларды билүү.

Билүүгө тийиш болгон ченемдик укуктук актылар:

— Кыргыз Республикасынын Конституциясы;

— Кыргыз Республикасынын Граждандык кодекси;

— Кыргыз Республикасынын Жер кодекси;

— «Коррупцияга каршы күрөшүү жөнүндө» Кыргыз Республикасынын Мыйзамы;

— «Административдик иштин негиздери жана административдик жол-жоболор жөнүндө» Кыргыз Республикасынын Мыйзамы;

— «Кыргыз Республикасынын ченемдик укуктук актылары жөнүндө» Кыргыз Республикасынын Мыйзамы;

— «Жарандардын кайрылууларын кароонун тартиби жөнүндө» Кыргыз Республикасынын Мыйзамы;

— «Кыймылсыз мүлккө укуктарды жана аны менен болгон бүтүмдөрдү мамлекеттик каттоо жөнүндө» Кыргыз Республикасынын Мыйзамы;

— Кыргыз Республикасынын Өкмөтүнүн 2011-жылдын 15-февралындагы № 49 токтому менен бекитилген укуктарды жана оорчулуктарды (чектөөлөрдү), кыймылсыз мүлккө укуктарды жана аны менен болгон бүтүмдөрдү мамлекеттик каттоо эрежелери;

— Кыргыз Республикасынын Өкмөтүнүн 2020-жылдын 3-мартындагы № 120 токтому менен бекитилген Кыргыз Республикасында иш кагаздарын жүргүзүү боюнча типтүү нускама;

— Мамлекеттик жарандык кызмат жана муниципалдык кызмат боюнча кеңештин 2016-жылдын 19-августундагы № 43 токтому менен бекитилген Кыргыз Республикасынын мамлекеттик жана муниципалдык кызматчыларынын этика кодекси;

— жерге жайгаштыруу жана жер кадастры, кыймылсыз мүлккө укуктарды мамлекеттик каттоо чөйрөсүндөгү башка ченемдик укуктук актылар.

Кызматтык милдеттери:

— Кыргыз Республикасынын мыйзамдарын жана башка ченемдик укуктук актыларын сактоо;

— Филиалдын ишине байланышкан укуктук маселелер боюнча мыйзамдардын талаптарына ылайык иш алып баруу;

— Агенттиктин жана Филиалдын ишине байланышкан талаш-тартыштарды кароодо белгиленген тартипте соттордо жана башка инстанцияларда Филиалдын жана Агенттиктин кызыкчылыктарын көрсөтүү жана коргоо;

— соттук иштер боюнча доо арыздарды, доолорго каршы пикирлерди, даттанууларды, түшүндүрмөлөрдү жана башка процессуалдык документтерди даярдоо;

— Филиалдын директоруна кол коюуга сунушталган буйруктардын, тескемелердин, жоболордун, келишимдердин долбоорлорунун жана юридикалык мүнөздөгү башка документтердин мыйзам талаптарына шайкештигин текшерүү;

— юридикалык документтерге укуктук экспертиза жүргүзүү;

— документтерде мыйзамдарга каршы келген жоболор же башка келишпестиктер аныкталган учурда, тиешелүү маселени мыйзамдуу түрдө чечүү боюнча сунуштарды киргизүү;

— жерге жайгаштыруу жана жер кадастры, кыймылсыз мүлккө укуктарды мамлекеттик каттоо маселелери боюнча укуктук консультацияларды берүү;

— мамлекеттик каттоо маселелери боюнча жеке жана юридикалык жактардын даттанууларын, арыздарын, суроо-талаптарын жана сунуштарын мыйзамда белгиленген тартипте кароо;

— жеке жана юридикалык жактардын кайрылууларына мыйзам талаптарына ылайык жоопторду даярдоо;

— Филиал тарабынан түзүлүүчү келишимдердин жана башка юридикалык документтердин долбоорлорун даярдоо жана укуктук жактан талдоо;

— Филиалдын ишинде колдонулуучу ченемдик укуктук актыларга киргизилген өзгөртүүлөргө мониторинг жүргүзүү;

— мыйзамдарга киргизилген өзгөртүүлөр жөнүндө Филиалдын жетекчилигине тиешелүү маалыматтарды берүү;

— укуктук документтерди системалаштыруу жана белгиленген тартипте сактоо;

— мамлекеттик каттоо маселелери боюнча келип түшкөн арыздарды, даттанууларды жана башка кайрылууларды кароого катышуу;

— Агенттиктин жана Филиалдын ишине байланыштуу укуктук маселелер боюнча сунуштарды жана корутундуларды даярдоо;

— кесиптик этиканын нормаларын сактоо;

— Жер ресурстары, кадастр, геодезия жана картография боюнча мамлекеттик агенттикте жана Филиалда белгиленген ички эмгек тартибин, кызматтык нускамаларды, кызматтык маалымат менен иштөө жана кызматтык өз ара аракеттенүү тартибин сактоо;

— кызматтык маалыматтын купуялуулугун сактоо;

— кызматтык милдеттерди аткаруу үчүн зарыл болгон квалификациянын деңгээлин сактоо жана жогорулатуу;

— жетекчиге баш ийүү тартибинде жогору турган жетекчилердин мыйзамдуу буйруктарын жана көрсөтмөлөрүн өз убагында жана сапаттуу аткаруу;

— Филиалдын жетекчилигинин башка кызматтык милдеттерин жана мыйзамдуу көрсөтмөлөрүн аткаруу.

Конкурска катышуу үчүн керектүү документтер:

— өздүк арыз;

— кадрларды эсепке алуу боюнча өздүк баракча;

— 3×4 см өлчөмүндөгү фотосүрөт;

— билими жөнүндө дипломдун көчүрмөсү (нотариалдык жактан күбөлөндүрүлгөн);

— эмгек китепчесинин көчүрмөсү (нотариалдык жактан күбөлөндүрүлгөн);

— соттуулугу жоктугу тууралуу Кыргыз Республикасынын Ички иштер министрлигинен маалымкат;

— медициналык маалымкат — форма № 86-у;

— автобиография;

— аскердик билеттин көчүрмөсү (нотариалдык жактан күбөлөндүрүлгөн);

— окумуштуулук даражаны жана окумуштуулук наамды ыйгарууну, квалификациясын жогорулатууну ырастаган документтердин көчүрмөлөрү (бар болсо);

— паспорттун же инсандыгын ырастоочу документтин көчүрмөсү. Конкурска келген учурда паспорттун же инсандыгын ырастоочу документтин түп нускасы көрсөтүлөт.

Документтерди тапшыруу мөөнөтү:

Документтер 2026-жылдын 1-октябрынан 15-октябрь саат 17:30га чейин кабыл алынат.

Документтерди кабыл алуу дареги:

Нарын облусу, Ат-Башы району, Ат-Башы айылы, Т. Жумабеков көчөсү, №15/1.

Байланыш телефондору:

0 (3534) 24-1-43, 0 (3534) 23-1-05.